T U I
E D I C T O
Anuncio de apertura do prazo de presentación de solicitudes para a adxudicación de axudas para a rehabilitación de edificios e vivendas no núcleo histórico de Tui
De conformidade co disposto na Ordenanza reguladora das axudas para a Rehabilitación do Casco Histórico de Tui, publicada integramente no B.O.P. nº 132, do 9/07/08, faise pública a apertura do prazo de presentación de solicitudes para a adjudicación das axudas para a rehabilitación de edificios e vivendas do Casco Histórico de Tui.
As solicitudes presentaranse no Concello de Tui nun prazo máximo de cinco ( 5) meses a contar dende o día seguinte á publicación no B.O.P. da presente convocatoria.
Na Oficina de Rehabilitación do Casco Histórico do Concello de Tui están a disposición de tódolos interesados a información sobre os requisitos necesarios para solicitar ditas axudas (que se recollen tamén na ordenanza), así como os impresos normalizados para a presentación formal da solicitude.
En Tui a 4 de febreiro de 2010.—O Alcalde-Presidente, Antonio F. Fernández Rocha. 2010001686
T U I
E D I C T O
Habendose aprobado polo Pleno Municipal, en sesión oprdinaria de data 29 de maio de 2008 a aprobación definitiva da “Ordenanza reguladora das axudas á rehabilitación de edificios, vivendas e urbanización no ámbito da Área de Rehabilitación do Conxunto Histórico de Tui”, e de conformidade co establecido artigo 70.2, da lei de Bases de Réxime Local, procedese a súa publicación no Boletín Oficial da Provincia e no Taboleiro de anuncios deste Concello o seguinte acordo:
ORDENANZA REGULADORA DAS AXUDAS Á REHABILITACIÓN DE EDIFICIOS, VIVENDAS E URBANIZACIÓN NO ÁMBITO DA ÁREA DE REHABILITACIÓN DO CONXUNTO HISTÓRICO DE TUI
EXPOSICIÓN DE MOTIVOS:
En desenvolvemento dos convenios asinados entre a Consellería de Vivenda e o Concello de Tui, na presente Ordenanza regulaméntanse os criterios e procedementos que seguir para acceder ás axudas públicas á rehabilitación de vivendas e urbanización no ámbito da Área de Rehabilitación do Conxunto
histórico de Tui. Os programas de actuación subvencionados abranguen a rehabilitación de vivendas e edificios e os elementos comúns destes así como obras de urbanización. Estes programas de actuación pretenden estimular a rehabilitación integral do conxunto histórico, tanto na súa dimensión física, como na da súa necesaria revitalización social, económica e cultural.
Poderán acollerse ás subvencións aquelas actuacións de rehabilitación de vivendas que se atopen situadas dentro do ámbito da Área de Rehabilitación do Conxunto Histórico de Tui que estean conformes coas limitacións establecidas pola normativa urbanística vixente contando sempre coa autorización previa e preceptiva da Dirección Xeral de Patrimonio. As prioridades para seleccionar as solicitudes de intervención e as contías máximas de subvención son marcadas con carácter xeral cara a favorecer o non baleirado dos edificios, a instalación de locais sociais ou comerciais nas plantas baixas cos usos establecidos na normativa urbanística vixente, a conservación ou aumento do número de vivendas, a adecuación a casos de minusvalías.
Na procura de dar pulo ao uso residencial do barrio histórico e de dinamizar social e economicamente a súa rehabilitación, tamén se esixe o compromiso de habitar as vivendas xunto ao resto de documentación establecida. En todo caso, para garantir unha distribución xusta do orzamento dispoñible para estes efectos, as Administracións Públicas implicadas estudiarán de forma coordinada e conxunta cada solicitude individual de rehabilitación.
CAPÍTULO PRIMEIRO
DISPOSICIÓNS XERAIS
ARTIGO 1. OBXECTO
Esta Ordenanza regula o desenvolvemento e execución dos Convenios de colaboración entre a Consellería de Vivenda e o Concello de Tui en materia de actuacións na Area de Rehabilitación do Conxunto Histórico de Tui, dentro do marco establecido nas 4ª, 5ª e 6ª fase, asinados en data 27 de abril de 2006, 23 de abril de 2007 e 8 de novembro de 2007, dentro do marco establecido polo Real Decreto 801/2005 , de 1 de xullo, polo que se aproba o Plan Estatal de Vivenda 2005-2008, co gallo de favorecer o acceso dos cidadáns á vivenda e Decreto 18/2006, do 26 de xaneiro, polo que se estableceron axudas públicas en materia de vivenda na comunidade autónoma de Galicia.
ARTIGO 2. ÁMBITO TERRITORIAL
O ámbito territorial desta Ordenanza é o da Área de Rehabilitación do Conxunto Histórico da Cidade de Tui, segundo o plano que se adxunta na Declaración de Área de Rehabilitación do Casco Histórico de Tui, con data de 6 de setembro de 2001. Poderán establecerse novos ámbitos de aplicación a outras áreas de rehabilitación logo de que se aproben polo procedemento legalmente establecido.
En función do número de solicitudes e disposición orzamentaria, establecerase un orde de prioridades das actuacións, optándose por un modelo de actuación concentrada poñendo en valor os puntos de maior confluencia e oportunidade visual.
ORDE DE PRIORIDADES
1. Rúa Cuenca
2. Rueiros colindantes coa Muralla Medieval
3. Rueiros do entorno da Catedral
4. Rueiros interiores restantes da Zona Centro
5. Ámbitos de Santo Domingo e San Bartolomé
ORDE DE PREFERENCIA
1.—Os solicitantes con menor capacidade económica.
2.—Vivendas destinadas a uso propio ou alugamento.
3.—En edificios con usos compatibles en planta baixa.
4.—Intervencións contiguas en rúas.
5.—Mellora da imaxe dos edificios no conxunto histórico.
Os criterios anteriormente desglosados enténdese con carácter xeral, poidendo contemplarse excepcións ós mesmos tras unha analise individualizada do caso exposto e previa aprobación do órgano municipal competente.
ARTIGO 3. TIPOS DE ACTUACIÓN
As disposicións desta ordenanza son de aplicación ás seguintes actuacións:
a) Rehabilitación de edificios.
1. Actuacións de conservación, restauración, rehabilitación, reestructuración, adecuacións de condicións de ornato, salubridade, seguranza estructural, etc.
2. Actuacións nos elementos comúns das edificacións e de mellora e conservación dos elementos que demandasen os valores histórico-artísticos, arquitectónicos e/ou ambientais.
b) Rehabilitación de edificios dunha soa vivenda.
c) Rehabilitación de vivendas e actuacións para o acaemento das condicións de habitabilidade das vivendas en edificios residenciais.
d) Actuacións de urbanización e reurbanización.
ARTIGO 4. TIPOS DE AXUDAS ECONÓMICAS
1.—As axudas económicas abeiradas aos Convenios citados no artigo 1 terán o carácter de subvención a fondo perdido e poderán acollerse a elas calquera das actuacións consignadas no artigo 3 da presente Ordenanza.
2.—As axudas serán concedidas tendo en conta os informes técnicos emitidos a este respecto pola Oficina da Área de Rehabilitación do Conxunto Histórico de Tui e sempre que conten coas autorizacións preceptivas da Dirección Xeral de Patrimonio.
3.—Dentro das actuacións de rehabilitación en edificios as prioridades serán as seguintes:
1º) Actuacións en todo o edificio para a rehabilitación de vivendas sen baleirado interior que conleven un compromiso de implantación de actividades nun ou en varios locais de negocio en planta baixa, con usos permitidos pola normativa vixente.
2º) Actuacións en todo o edificio para a rehabilitación de vivendas sen baleirado interior sen levar parello compromiso de implantar actividades de negocio.
3º) Actuacións nunha soa vivenda.
4º) Actuacións nos elementos comúns das edificacións (fachadas, cuberta,...) e/ou de mellora dos elementos que demanden os valores histórico-artísticos, arquitectónicos e/ou ambientais.
Dentro destas actuacións entenderanse ademais incluídas:
— As implantacións de ascensores.
— As instalacións para a detección e prevención de incendios e habilitación de vías de evacuación.
— A supresión de antenas individuais e instalación de antenas colectivas.
— O acaemento de accesos e circulación para uso de minusválidos.
— Todas aquelas contempladas no Decreto 18/2006, de 26 de xaneiro e no RD 801/2005, de 1 de xullo, polo que se aproba o Plan Estatal 2005-2008, para favorecer ó acceso dos cidadás á vivenda.
4.—En igualdade de prioridade serán criterios de preferencia os seguintes:
— Os solicitantes con menor capacidade económica.
— Serán prioritarias as solicitudes de rehabilitación de vivendas destinadas a uso propio ou alugamento sobre as destinadas á venda.
— Nos casos de rehabilitación completa de edificios, aquelas que xunto ao uso residencial en plantas altas leven parella a implantación de actividade comercial en planta baixa.
— Intervencións contiguas segundo o artigo 2 da presente ordenanza.
— As intervencións que supoñan unha mellora da imaxe dos edificios no conxunto histórico.
5.—Os proxectos que supoñan o derrubamento total o parcial da edificación será unicamente nos supostos absolutamente imprescindibles e previo informe preceptivo da Dirección Xeral de Patrimonio.
CAPÍTULO SEGUNDO
AXUDAS Á REHABILITACIÓN
ARTIGO 5. CONFORMIDADE CO PLANEAMENTO
Os inmobles e os usos para os que se soliciten as axudas deberán estar conformes coas determinacións que marque a normativa urbanística vixente.
1.—No suposto primeiro ademais será imprescindible contar coa autorización previa e preceptiva da Dirección Xeral de Patrimonio.
2.—Poderán concederse axudas para edificios e elementos fora de ordenación para as actuación permitidas pola normativa urbanística vixente.
Nestes supostos reduciranse nun 25 % a contía das axudas que lle fosen de aplicación no disposto na presente ordenanza sendo imprescindible contar coa autorización previa e preceptiva da Dirección Xeral de Patrimonio.
ARTIGO 6. CONDICIÓNS DOS INMOBLES
1.—Os edificios deberán contar como mínimo có 50% da súa superficie útil destinada ao uso de vivenda despois de realizadas as actuacións de rehabilitación.
Non serán computables a estes efectos as superficies baixo rasante adicadas a garaxe-aparcamento vinculado aos usos residenciais de plantas superiores.
2.—As vivendas e edificios obxecto de actuacións de rehabilitación protexida deberán ter unha antigüidade maior de quince anos, salvo as excepcións contidas nos artigos 52 e 53 do RD 801/2005, de 1 de xullo.
3.—Non se protexerán actuacións en edificios que carezan de seguridade estructural e constructiva, de subministración eléctrica e/ou de acaída funcionalidade da rede de saneamento, agás que as obras inclúan as necesarias para a consecución das condicións sinaladas.
4.—As actuacións en vivendas deberán atender prioritariamente á mellora das condicións de habitabilidade relativas á distribución interior, instalacións de auga, electricidade, ventilación, iluminación natural e aireación, illamento térmico, servicios hixiénicos e instalación de cociña ou doutros
servicios de carácter xeral.
ARTIGO 7. BENEFICIARIOS
1.—Poderán ser beneficiarios das axudas á rehabilitación de vivenda os seus usuarios legais, como propietarios, arrendatarios ou titulares dalgún dereito de uso sobre elas, cando a vivenda constitúa o seu domicilio habitual e permanente.
2.—Tamén poderán solicitar as axudas os titulares de vivendas desocupadas sempre que a solicitude leve parello o compromiso de ocupalas eles mesmos ou a transmitilas ou cedelas a terceiras persoas en arrendamento ou de calquera outro xeito legalmente admisible, sempre que sexa como residencia habitual e permanente. Este compromiso terá que se cumprir denantes de transcorridos seis meses desde que finalizasen as obras, e ficarán condicionadas as axudas á efectiva ocupación das vivendas no dito prazo, que poderá ser prorrogado ata un ano por solicitude do interesado cando medie causa xusta, sen que se proceda á liquidación da axuda en tanto non se teñan efectivamente ocupado.
3.—Poderán ser beneficiarios das axudas á rehabilitación de edificios os propietarios ou titulares dalgún dereito de uso sobre as vivendas dos mesmos.
Será entón de aplicación o disposto sobre a ocupación no apartado 2. anterior.
4.—Poderán ser beneficiarios das axudas á rehabilitación de elementos comúns dos edificios os propietarios das vivendas ou titulares dalgún dereito de uso sobre elas.
5.—En todo caso deberán ser cumplimentados as condicións que se establecen no RD 801/2005 de
1 de xullo e o Decreto 18/2006,de 26 de xaneiro.
CAPÍTULO TERCEIRO:
PROGRAMAS DE ACTUACIÓN
ARTIGO 8. PROGRAMA DE CONSERVACIÓN, RESTAURACIÓN, REMODELACIÓN, REESTRUCTURACIÓN, E DEMOLICIÓNS PARCIAIS DE EDIFICIOS RESIDENCIAIS
As axudas previstas para a rehabilitación céntranse nos seguintes puntos:
1.—Establécese unha subvención a fondo perdido ata o 70 % do presuposto protexible das obras de rehabilitación que se realicen, sen que a subvención poida exceder de 9.000,00 € por vivenda, sempre
e cando a edificación xa conte con estructura interior de madeira.
2.—No caso das edificacións que non teñan a estructura tradicional de madeira, a subvención máxima será de ata o 70 % do presuposto protexible das obras de rehabilitación que se realicen sen que poida exceder de 7.000,00 €.
ARTIGO 9. PROGRAMA DE ACTUACIÓNS NOS ELEMENTOS COMÚNS DAS EDIFICACIÓNS E DE MELLORA E CONSERVACIÓN DOS ELEMENTOS QUE FORA REQUIRIDO A SÚA CONSERVACIÓN POLOS VALORES HISTÓRICO-ARTÍSTICOS, ARQUITECTÓNICOS E/OU AMBIENTAIS.
Establécese unha subvención a fondo perdido ata o 70% do presuposto protexible das obras de rehabilitación que se realicen, sen que a subvención poida exceder de 8.000,00 €.
ARTIGO 10. PROGRAMA DE ACTUACIÓNS DE REHABILITACIÓN DUNHA SOA VIVENDA OU OBRAS PARA ACAEMENTO DAS CONDICIÓNS DE HABITABILIDADE
Establécese unha subvención a fondo perdido ata o 70 % do presuposto protexible das obras de rehabilitación que se realicen, sen que a subvención poida exceder de 6.000,00 € por vivenda.
ARTIGO 11. PROGRAMA DE ACTUACIÓNSDE URBANIZACIÓN E REURBANIZACIÓN
Destinaranse os presupostos aprobados nas fases correspondentes as obras de pavimentación e renovación das instalacións urbanas de distintas zonas da Area de Rehabilitación de Tui.
CAPÍTULO CUARTO
REQUISITOS XERAIS
ARTIGO 12. REQUISITOS XERAIS
Para os efectos de obter as axudas previstas nas presentes normas de procedemento, será necesario o cumprimento dos seguintes requisitos:
1.—As obras proxectadas deberán acadar a preceptiva autorización da Consellería de Cultura e Deporte, Dirección Xeral do Patrimonio Cultural previamente á concesión inicial das axudas.
2.—As obras proxectadas deberán obter a preceptiva Licencia Municipal de Obras; e al menos o 50% do edificio debe ter uso residencial unha vez finalizadas as actuacións.
3.—As obras que teñan por obxecto actuacións sobre os elementos comúns do edificio deberán garantir as debidas condicións de coherencia técnica e constructiva co estado de conservación do edificio e das instalacións.
4.—Non poderán subvencionarse actuacións sobre os elementos das vivendas das que as obras non consigan obte-las debidas condicións de adecuación de habitabilidade das mesmas, salvo casos debidamente xustificados.
ARTIGO 13. CONTÍAS DAS AXUDAS
As axudas económicas previstas nas presentes normas de procedemento terán as limitacións que a normativa especifique e estean establecidas no proceso de rehabilitación ou poidan establecerse perante a vixencia dos distintos convenios.
ARTIGO 14. PRESUPOSTO PROTEXIBLE
Por presuposto protexible entenderase o custo real das obras determinado pola suma do orzamento total do contrato de execución das obras, os honorarios facultativos e de xestión e os tributos satisfeitos por razóns das actuacións, así como os estudos arqueolóxicos e outros preceptivos ou necesarios para acometer a obra.
O presuposto protexible por vivenda non poderá exceder da contía máxima que resulte de aplicar a seguinte fórmula:
Pmpv = MUR x Su x Cp.
Pmpv = Presuposto máximo protexible por vivenda
MUR = Módulo Unitario de Rehabilitación. (Establécese na nas bases particulares reguladoras da convocatoria de axudas)
Su = Superficie útil da vivenda. (Porches, terrazas e almacéns computan o 50%)
Cp = Coeficiente (< 1) que devén da porcentaje establecida para cada Programa de Actuación: Rehabilitación de edificios: Cp=0,7. Rehabilitación de vivendas: Cp=0,5.
O presuposto protexible en actuacións de urbanización será o que resulte de sumalo IVE correspondente ó orzamento xeral.
ARTIGO 15. COMPATIBILIDADE DAS AXUDAS
Estas axudas son compatibles coas que no seu caso poda outorgar pola Consellería de Vivenda e Solo para a rehabilitación de inmobles situados en conxuntos históricos galegos, non pudendo en ningún caso a suma de ámbalas dúas do 80% da actuación protexible.
ARTIGO 16. PERDA DA AXUDA ECONÓMICA
Son causa da perda da axuda económica establecida as seguintes:
1.—A non adaptación das obras á normativa urbanística vixente ou lexislación sectorial de aplicación.
2.—A incorrecta execución das obras aprobadas.
3.—A non execución das obras consideradas.
4.—A execución de obras non informadas favorablemente previamente pola Oficina de Rehabilitación.
5.—O incumprimento, non xustificado, dos prazos establecidos para a execución das obras.
6.—Incumprimento dos requisitos establecidos pola presente ordenanza para a obtención da subvención.
ARTIGO 17. PROCEDEMENTO
1.—As solicitudes para calquera das Axudas presentaranse en instancia normalizada no Rexistro de entrada do Concello ou por calquera dos medios establecidos no Artigo 38, Lei 30/92, do 26 de novembro, do Réxime Xurídico das Administracións Públicas e do Procedemento Administrativo Común.
2.—Poderanse presentar durante o prazo de vixencia dos Convenios asinados entre o Concello de Tui e a Comunidade Autónoma de Galicia sempre que exista viabilidad orzamentaria.
3.—O/a peticionario/a deberá solicitar unha visita de inspección técnica previa á solicitude oficial
das axudas, mediante impreso normalizado.
Deberá achegar a información requerida e dar a súa conformidade ás obras inspeccionadas para as que se solicitan as axudas. A visita será efectuada polos técnicos da Oficina de Rehabilitación para comprobar o estado da edificación e asesorar ao peticionario nas posibilidades de mellora e rehabilitación dos inmobles. Xunto coa solicitude oficial das axudas presentarase toda a documentación necesaria establecidad no artigo 18 desta ordenanza.
4.—Trala visita realizarase por parte da Oficina de Rehabilitación un informe referido ás obras solicitadas, ás necesarias e ás recomendadas por dita oficina.
ARTIGO 18. SOLICITUDE DE AXUDA ECONÓMICA E DOCUMENTACIÓN
Realizada a visita de inspección e obtida a licencia de obras correspondente, as solicitudes de axudas económicas presentaranse en impreso oficial normalizado, coa achega da seguinte documentación:
1. Relativa ao solicitante.
a) Fotocopia do DNI do/a solicitante e, de ser o caso, do representante, debidamente compulsado.
b) Cando se trate de actuacións nos elementos comúns dos edificios en réxime de propiedade horizontal deberá achegarse certificación do/a secretario/a da comunidade de propietarios da acta da reunión en que se designou o seu presidente ou presidenta e da acta na que se recolla o acordo de realización das obras. Se non existise comunidade de propietarios legalmente constituída, deberá achegarse un escrito no que conste a conformidade de todos os copropietarios coa realización das obras.
2. Documentación acreditativa da titularidade do inmoble.
a) Nos supostos de propiedade ou dereito de uso: contrato de compravenda, certificación ou nota simple do Rexistro da Propiedade, escritura de partición do legado hereditario, testamento e certificado de últimas vontades, escritura pública de doazón, ou calquera outra documentación que acredite suficientemente a titularidade do inmoble.
b) Nos supostos de arrendamento.
Se as obras son promovidas polo inquilino, deberá achegarse fotocopia do contrato de arrendamento, escritura da propiedade e do convenio entre o propietario e o inquilino no que se faga constar a descrición das obras e a autorización do propietario para realizalas, cando tal autorización sexa legalmente esixible.
Se as obras son promovidas polo propietario, deberá achegarse o convenio entre este e o inquilino no que se faga constar a conformidade deste coas obras e, de ser o caso, a súa repercusión na renda contractual e nas demais condicións pactadas.
3. Documentación relativa ao destino da vivenda.
a) Cando o solicitante sexa ou vaia ser residente habitual e permanente da vivenda para rehabilitar deberá achegar: certificado de empadroamento e/ou compromiso escrito de destinar a vivenda á súa residencia habitual e permanente polo menos durante un período de cinco anos dende a aprobación definitiva
das axudas solicitadas.
b) Cando o solicitante non habite na vivenda para rehabilitar: compromiso escrito de destinar a vivenda a residencia familiar habitual e permanente, propia ou de terceiras persoas, no prazo máximo de seis meses e de manter a súa ocupación, cando menos, por cinco anos contados dende a aprobación definitiva das
axudas.
c) Nos supostos nos que se comprometa o establecemento de locais de negocio aos que se fai referencia no artigo 4.3 desta Ordenanza, deberá achegarse un compromiso expreso da persoa que o vai poñer en marcha.
4. Documentación acreditativa dos ingresos e da composición familiar.
Será potestativa nas solicitudes ás que se fai mención na presente ordenanza, de cara á orde de preferencias establecida no artigo 4.4. No caso de ser necesaria presentará co resto da documentación a información pertinente, e como mínimo será a declaración da renda ou declaración xurada de ingresos, e informe da asistente social.
5. Documentación relativa as obras:
a) No caso de obras maiores será requisito imprecindíbel xuntar proxecto das obras que se pretenden levar a cabo.
O proxecto básico e de execución que se presente para posterior solicitude de licencia de obra maior quedará vinculado ao anteproyecto que se presentou para a solicitude da axuda e consulta previa a Delegación de Patrimonio Cultural de Galicia da Consellería de Cultura e Deporte, sendo causa de perda
da axuda o feito de realizar modificacións nos citados documentos técnicos.
b) De seren obras menores, a lo menos presentará unha descripción das obras que se desecan acometer, un presuposto das mesmas e plano de situación na cartografía oficial ou número de identificación catastral.
6. Declaración xurada de todas as subvencións solicitadas, tanto aprobadas ou concedidas, como as pendentes de rersolución das distintas Administracións públicas competentes ou de calquera dos seus organismos, para as actuacións subvencionables por esta Ordenanza.
7. Fotografías do estado actual do inmoble.
8. Calquera outra que se considere precisa para complementer a documentación anterior.
A presentación da solicitude de subvención implpica a aceptación das bases e obrigas establecidas na presente Ordenanza, así como a autorización para acadar os datos en poder das administracións públicas que sexan necesarios para a tramitación da solicitude.
ARTIGO 19. APROBACIÓN INICIAL DAS AXUDAS
Achegada a solicitude e a documentación complementaria que corresponda, e logo dos informes oportunos, a Xunta de Goberno Local do Concello resolverá sobre o traslado da documentación a Dirección Xeral de Fomento eCalidade da Vivenda da Consellería de Vivenda e Solo para a concesión inicial das axudas.
ARTIGO 20. SOLICITUDE DE LICENCIA URBANÍSTICA
Os interesados deberán achegar a solicitude de licencia urbanística nun prazo non superior a un mes dende que lles sexa notificado o acordo de aprobación inicial do expediente segundo a proposta motivada da Oficina de Rehabilitación do Concello.
Se transcorrido o dito prazo, non se achega a solicitude de licencia, arquivarase o expediente, previo trámite de audiencia ao interesado.
ARTIGO 21. CONTRATACIÓN DAS OBRAS
Os solicitantes poderán contratar as obras coas empresas ou profesionais que consideren máis oportuno. No contrato deberá figurar o prazo previsto na concesión das axudas para a súa execución.
A sinatura dos contratos poderá realizarse na Oficina de Rehabilitación, que prestará o asesoramento pertinente e arbitrará entre as partes cando lle sexa demandado por elas. En calquera caso obrará na dita Oficina copia dos contratos.
En todo caso darase cumprimento o establecido na lei 38/2003, de 17 de novembro (Lei Xeral de Subvencións) e restante normativa estatal e autonómica.
Constará, na oficina de rehabilitación, o orzamento de execución definitivo das obras.
ARTIGO 22. INICIO DAS OBRAS
As obras deberán iniciarse no prazo máximo de dous meses a partir da notificación da aprobación inicial da subvención. O devandito prazo poderá prorrogarse polo mesmo prazo, logo de solicitude xustificada. Trascorrido este período sen as obras teñan comenzado, arquivarase o expediente tras trámite de audiencia ao interesado.
O solicitante promotor das obras comunicaralle formalmente á Oficina de Rehabilitación a data de comenzo das obras, o prazo de execución, as empresas que interveñen e o importe do orzamento das obras de cada empresa, de forma que poida quedar constancia destes datos.
O promotor terá a obriga de manter colocado o cartel informativo do programa de axudas para a rehabilitación, de acordo co deseño proposto, durante a execución das obras e áte o cobro total das axudas solicitadas.
ARTIGO 23. EXECUCIÓN DAS OBRAS
O prazo de execución das obras será o establecido no acordo de concesiónn inicial das axudas. Este prazo poderá ser prorrogado por proposta da oficina de rehabilitación, ptrevia autorización da Delegación Provincial da Consellería de Vivenda e Solo, se así o demanda o promotor solicitante das axudas, dentro do prazo inicialmente concedido, e por causa xustificada. A prorroga só se concederá unha vez e non poderá exceder a súa duración do tempo prescrito para o prazo orixinal.
A interrupción das obras por un prazo superior aos tres meses sen causa xustificada producirá a caducidade das axudas inicialmente concedidas.
As obras deberán axustarse ás prescricións contidas no proxecto técnico ou documentación que serviu de base para a concesión inicial das axudas, non admitíndose máis modificacións na súa execución que as informadas favorablemente pola Oficina de Rehabilitación, que, en todo caso, deberán estar amparadas pola correspondente licencia urbanística e autorización previa da Consellería de Patrimonio Cultural.
A Oficina de Rehabilitación prestará o seu asesoramento técnico na execución das obras, e poderá en todo caso supervisar de oficio as obras sempre que se considere oportuno, co obxecto de comprobar a súa correcta execución e o cumprimento das condicións a que se encontren sometidas en virtude das axudas concedidas.
ARTIGO 24. REMATE DAS OBRAS
Finalizadas as obras tramitarase a aprobación definitiva da axuda logo da presentación da documentación redactada polo sue técnico director e as facturas correspondentes, co fin de que os servicios técnicos da Oficina de Rehabilitación redacten o correspondente informe no que se fará constar, cando menos, as datas de inicio e finalización das obras e o seu custo final, así como o cumprimento das condicións ás que estean sometidas as actuacións.
Para as obras que precisen de licencia de primeira ocupación, o outorgamento desta será imprescindíbel para continuar co trámite de aprobación definitiva das axudas.
ARTIGO 25. APROBACIÓN DEFINITIVA DAS AXUDAS
A partir da elaboración do informe de final de obra ou, de ser o caso, desde que se acredite o cumprimento das condicións sinaladas na aprobación inicial, a Oficina de Rehabilitación someterá o expediente ao órgano municipal correspondente para que este resolva sobre a aprobación definitiva das
axudas.
As axudas concedidas inicial e definitivamente serán aboadas unha vez que certifique o Concello a finalización das obras e que a Consellería de Vivenda e Solo emita o documento de cualificación definitiva.
ARTIGO 26. CAUSAS DE DENEGACIÓN E PERDA DAS AXUDAS
As axudas poderán ser denegadas polas seguintes causas:
1º) Non reunir as condicións esixidas polo RD 801/2005, de 1 de xullo, polo Decreto 18/2006,de 26 de xaneiro e polo establecido nesta ordenanza relativas aos solicitantes ou aos inmobles para rehabilitar.
2º) Iniciar as obras sen dar conta á Oficina de Rehabilitación.
3º) Incumprir os prazos sinalados na aprobación inicial, ou nas prórrogas concedidas, así como as condicións relativas á ocupación das vivendas.
Será causa de denegación non executar as obras dentro do prazo concedido. Non obstante, poderá outorgarse cualificación definitiva naqueles casos en que, acadada a seguridade estructural e habitabilidade da vivenda e cumpridos os demais requisitos, se comprobe que as obras executadas de entre as aprobadas cheguen como mínimo ao 75 por 100 do orzamento protexido.
4º) A realización de obras non previstas no proxecto e que non estean autorizadas pola Oficina de Rehabilitación e amparadas pola licencia urbanística e autorización da Consellería de Cultura e Deportes.
5º) O impedimento ou obstaculización do acceso ás obras aos técnicos da Oficina de Rehabilitación por parte do promotor ou do contratista.
6º) A grave incorrección técnico-constructiva das obras, apreciada pola Oficina de Rehabilitación e constatada, no proxecto ou na súa execución.
ARTIGO 27. DEVOLUCIÓN DE SUBVENCIÓNS POR INFRACCIÓN
O non cumprimento das condicións establecidas nesta Ordenanza, así como a comisión de infracción urbanística ipificada como grave ou moi grave nos inmobles obxecto das axudas desta ordenanza por parte dos seus beneficiarios no prazo de cinco anos dende a finalización das obras determinará a obriga de devolver o importe das subvencións percibidas cos réditos que correspondan, sen prexuízo das sancións que lles puidesen ser impostas.
DISPOSICIÓNS ADICIONAIS
DISPOSICIÓN ADICIONAL PRIMEIRA.
Módulo unitario de rehabilitación
O Módulo Unitario de Rehabilitación fíxarase para cada fase de acordo coas bases particulares reguladoras de subvencións para actuacións en vivenda na área de rehabilitación do conxunto histórico de TUI. Podendo ser revisado para as sucesivas fases nas citadas bases particulares.
DISPOSICIÓN ADICIONAL SEGUNDA. Convenios
Mediante convocatorias específicas, poderán establecerse liñas de axudas para actuacións de rehabilitación de inmobles destinados a usos de interese público, social ou cultural, logo do correspondente convenio que han establecer o Concello e os promotores das actuacións, no que se determinará en cada caso a contía das subvencións e demais condicións das axudas.
DISPOSICIÓN ADICIONAL TERCEIRA.
Promocións tuteladas
O Concello, por si mesmo ou en convenio con outras institucións e organismos públicos, poderá promover e desenvolver actuacións de rehabilitación destinadas ao aloxamento en alugueiro de vivendas e/ou locais en edificios de particulares e institucións mediante cesión de uso e aproveitamento deles, establecido mediante convenio cos propietarios, co fin de recuperar o investimento realizado no edificio rehabilitado.
Para o cálculo do período de cesión do edificio considerarase: a superficie útil cedida e a situación do edificio, o importe das obras realizadas no mesmo, e o presuposto total, suma dos gastos originados pola actuación, que deberá ser amortizado mediante o alugueiro das súas partes.
A dispoñibilidade e selección dos inmobles serán establecidas mediante convocatoria pública, igual cá oferta de alugueiro das vivendas ou locais.
DISPOSICIÓN ADICIONAL CUARTA. Axudas a locais comerciais e outras actividades económicas
Mediante convocatorias específicas poderán establecerse liñas de axudas á mellora e actualización dos locais de comercio e outras actividades económicas na cidade histórica.
DISPOSICIÓN ADICIONAL QUINTA. Constitución dunha comisión de seguimento
Constituirase unha Comisión de Seguimento dos programas de rehabilitación que supervisará a tramitación dos expedientes de axudas e a documentación técnica presentada. Esta Comisión estará integrada, cando menos, polo Alcalde-presidente do Concello ou persoa na que delegue, os concelleiros con delegacións en materia de urbanismo, o/a concelleiro/a delegado/a de Cultura, os voceiros de tódolos grupos municipais, un representante da Intervención de fondos, un representante da Oficina de Rehabilitación, o/s técnico/s do equipo municipal con competencias sobre os ámbitos da cidade con planeamento especial de protección. Tamén poderán participar na mesma aqueles outros técnicos ou personalidades que sexan invitados por razón da súa competencia técnica ou profesional.
DISPOSICIÓN FINAL
Conforme co establecido nos artigos 70.2 e 65.2 da Lei 7/1985, do 2 de abril, Reguladora das Bases do Réxime Local, esta ordenanza entrará en vigor ós quince (15) días hábiles da súa publicación completa no Boletín Oficial da Provincia de Pontevedra, unha vez aprobada definitivamente polo Pleno da Corporación, e rexerá en tanto non se acorde a súa modificación ou derrogación.
Tui, 9 de xuño de 2008.—O Alcalde, Antonio F. Fernández Rocha. 2008006517
Le ayudamos con la tramitación de las licencias que necesite: construcciones, actividades, autorizaciones previas,..
